الأحد، 10 فبراير 2013

البت بتحاصر فيه(جوه عيونك)


ياخي البنيه بتشدك بالحنين
بس بيني وبينكم الحب ده شي لايووووق وعبيط خلاص
البت بتعاين ليك جووووووووووووه عيونك تسكن فيهم وما تتطلع
ياااااااااابت امرقي
يا بت اطلعي
تقولك من جوه الاوضه الجوه عيونك ابيت ما مارقه
مخير الله
تفتح باب الخروج
تلقاها قدامك علي باب الدخول
تدفرك وتقعد في التكل
تجري منها تلقا عيونا راجياك في وسط الطريق
تقولك مافي مفر يا زول
بنكشكش فيك
وااااااااه من الحنين وقتين يكسح
ويمسح العيون بالدموع ويغلبن
ترجع تقالد البت ترجع للوطن
ما بيهمك وقتها لو الريد شداك للحريق
او دفرك في حفره حزن
ما من زمان انت باقي للحزن رفيق
لا بيخونك ولا بتخونو
وتممد ايدك مره تاني تقالد البنيه وعليك تضمها وتقفل دفاتر شجونك
وترجع تتمد فوق رموشا محروق بالبريق

ليست هناك تعليقات:

إرسال تعليق